Венера во Рак од 7 мај до 4 јуни: Во овие денови ќе се спојат сродните души
Венера денеска влегува во Рак на и ќе остане во овој знак до 4 јуни. Според астролозите, Венера е поврзана со љубовта, убавината и желбата да се променат работите на подобро. Од денес, па сѐ до 4 јуни оваа планета ќе биде во многу позитивна позиција, пишува „Сенса“.
Акцентот ќе биде ставен на љубовта, што секако не мора да значи дека треба да се откажете од деловните амбиции. Важно е да ги извршувате обврските за да имате доволно енергија за сѐ. Најважната работа е како ќе го поминете слободното време. Обидете се да најдете начин да поминете време со вашата сродна душа. Венера е позитивна кога луѓето се зближуваат, си даваат топлина и љубов.
Правете повеќе добри дела во овој период. Споделете ја вашата љубов за да привлечете повеќе позитивна енергија. Правете добро и обидете се да ѝ го разубавите денот на секоја личност што ќе ја сретнете. Не плашете се да флертувате, да се запознавате со нови луѓе, да одите на романтични состаноци и да ја исповедате својата љубов кон оние кои ги сакате.
Исто така, помогнете им на другите и вложете го вашето време и енергија во саканата личност. Кога ќе го видите нејзиното среќно лице, и вие неминовно ќе ја почувствувате среќата.
Направете ја вашата помош несебична. Не барајте ништо за возврат и никому не наметнувајте услови. Венера сака луѓе кои им ја отвораат душата на другите, пружајќи им рака за помош, без да ги штедат своите ресурси.
Шетајте повеќе и не бидете мрзеливи. Спортувајте, бидејќи тоа ќе ви помогне да се справите со негативните емоции. Исто така, ова е одлично време за прошетки и патувања во природа. Венера сака сѐ што е поврзано со морето и елементот вода. Ако е можно, одете на одмор и „наполнете ги батериите“.