Венецијанска комисија: Двојазичноста во судските постапки ќе го забави функционирањето на целото правосудство - Слободен печат

Венецијанска комисија: Двојазичноста во судските постапки ќе го забави функционирањето на целото правосудство

Венецијанската комисија во мислење усвоено денеска, ги повикува властите на Северна Македонија да го преиспитаат Законот за употреба на јазиците преку консултации со сите засегнати страни, јавува дописникот на МИА од Стразбур.

Според соопштението, издадено по денешниот состанок во Венеција, правните експерти на Советот на Европа подвлекуваат дека во споредба со законодавството од 2008 година, новиот закон значително ја проширува употребата на албанскиот јазик и во многу аспекти ги надминува европските стандарди утврдени со Рамковната конвенција за заштита на националните малцинства и Европската повелба за регионални и малцински јазици.

Венецијанската комисија, додека ја поздравува подготвеноста на властите за подобрување на јазичната состојба на заедниците, таа оценува дека во одредени области новиот закон може да оди премногу далеку со наметнување на јавните институции на нереални правни обврски, особено во врска со употребата на албанскиот јазик во судска постапка, придружено со тешки санкции во случај на непочитување и можност за промена на судските решенија, доколку има недостаток на превод и толкување во текот на постапката.

Според мислењето на Венецијанската комисија, овој пристап би можел значително да го забави функционирањето на целото правосудство, ризикувајќи сериозни нарушувања на правото на фер судење, загарантирано со Европската конвенција за човекови права.

Комисијата понатаму забележува дека законот за јазици не е прецизен кои одредби важат само за албанскиот, а кои, исто така и за другите јазици на заедниците. 

Венецијанската комисија дава неколку препораки до властите на Северна Македонија, особено за напуштање на одредбите што се однесуваат на двојазичноста во судските постапки. Исто така, препорачува обврската да се користи албанскиот јазик во внатрешна и меѓуинституционална комуникација меѓу државните службеници, да се ограничи на писмените службени комуникации или да биде одложено додека не стане реално соодветното спроведување на таа одредба.

Што се однесува до спроведувањето на паричните санкции, правните експерти на Советот на Европа посочуваат дека треба да се одложат се додека не се измени законот за да се обезбеди доволно правна јасност, да се намалат износите на казните, како и да се воведе елементот на грешка и принципот на пропорционалност.

Властите, исто така, се поканети да направат анализа за спроведувањето на законот од 2008 година и проценка за влијанието на новиот закон за јазици за буџетот и човечките ресурси.

Прочитај повеќе

Лекарите смируваат: Нема потреба од паника и посебни мерки за новиот корона вирус

Слободен печат

Дескоска: Отвореноста и транспарентноста на судството се основни претпоставки за зголемување на довербата на јавноста

Слободен печат

Нова опасност: Австралија ја очекува назеда на отровни пајаци

Слободен печат

Харадинај: Воспоставувањето на авиолинијата не значи укинување на таксите кон Србија

Слободен печат

54 отсто од граѓаните го подржуваат членството на Србија во ЕУ

МИА Агенција

Почнува изградба на нов кружен тек во Општина Чаир

МИА Агенција

1 comment

НЕВЕН ГНЕВЕН 07/12/2019 - 08:01 at 08:01

Ако и во Америка им се дозволеше да се зборува и во институциите да се воведат јазици на националностите, тогаш англискиот јазик со кој се служат американците , ќе изумреше. Во Америка има доселеници од цел свет, буквално од цел свет. Е па сега, мислете му ја. Во една права држава, институциите се служат исклучиво со службениот јазик на државата.

Reply

Остави Коментар

eleven − six =

Прочитај повеќе

Државата еднострано ќе ги укинува договорите за концесија на рудниците, ако оцени дека е загрозено здравјето на граѓаните

Костадинов: Добрата страна е што предметите на СЈО ќе имаат извесност

Слободен печат

Манчевски: Ги направивме првите клучни чекори за унапредување на дигиталните вештини

Слободен печат

Што правеше посрамениот австриски политичар Штрахе во Белград (ФОТО)

Слободен печат

Шилегов: Најголем увозник на отпад е Макстил

Иран именуваше жена за амбасадор во Данска

Слободен печат