Велковски се враќа во тимот на Е. Пелистер: Против Татран ќе се покажеме во вистинско светло
По пауза од два месеци, тренерот на Е. Пелистер, Жељко Бабиќ, ќе може да смета на македонскиот репрезентативец Мартин Велковски. Велковски поради повреда беше отсутен од терените повеќе од два месеци, но тоа е минато и се стави на располагање на тренерот Бабиќ.
– Очекував порано да се вратам од повредата. Сè уште заздравувам и влегувам во ритам и се надевам дека ќе бидам максимално спремен против Татран Прешов и дека ќе се вратам на нивото на кое што бев пред повредата.
Одложувањето на натпреварот против Рајн Некар Левен ни отвори шанса повеќе да се спремаме за Словаците. Се подготвуваме за нивниот целокупен тим, сепак доаѓаат со играчите кои го влечат товарот во екипата. Ги анализиравме добро и се надевам дека ќе се покажеме во вистинско светло, бидејќи натпреварот е многу важен за нас, за да го осигураме второто место во групата во СЕХА лигата – вели Велковски.