Велешанец лажел дека сестра му е повредена, изнудил пари и ги потрошил во казино
ОВР Гостивар поднесе кривична пријава против А.Д.(41) од Велес, поради постоење основи на сомнение за сторено кривично дело „измама”, соопшти полицијата.
„На 10.09.2021, пријавениот на неговата тетка телефонски ѝ кажал дека неговите родители имале сообраќајна несреќа во која била повредена и нејзината сестра и дека од болницата им побарале пари за нејзино лекување. Таа му дала 450 евра за лекување на нејзината сестра, а откако се јавил повторно и побарал пари за лекување и на неговите родители таа се посомневала и отишла во болницата во Тетово да ги провери наводите. Откако ѝ било потврдено дека нема пациенти со такви лични податоци, случајот го пријавила во СВР Тетово“, се вели во соопштението од МВР.
Набргу потоа, осомничениот бил пронајден и приведен и во службен разговор со полициски службеници изјавил дека парите ги потрошил во казино, додаваат од полицијата.