Познатата колумнистка и писателка, Ведрана Рудан во интервју за српско Еспресо говори за нејзината нова книга, воедно и автобиографија „Танц околу сонцето“.

Таа меѓудругото во интервјуто говори и за балканскиот менталитет. На прашањето дали може нешто да се промени во тој дел Рудан одговара:

– Со години го слушам истото прашање. „Како да се сменат „Балканците“?“ Кога вие Балканците ќе сфатите дека не сте ништо посебно. Секаде мажите се ѓубре кое тепа, силува и ги искористува жените на милион начини. За среќа, жените во последно време сфаќаат дека ѓаволот ја однесе шегата, па го креваат гласот. Така дознаваме дека еднакви дивјаците кои живеат и работат во Холивуд и тие кои живеат во Белград, Ријека или Загреб. Ете утеха за Балканците. Додека на жените со тап нож им го копаат окото, нека знаат дека истото го прави и нивниот „брат“ во Стокхолм.

Исто така, таа беше запрашана за нејзините зборови против Евреите, НАТО, Европската унија, фармацевтската индустрија, хероите на граѓанската војна во Хрватска, усташите, политичарите, тајкуните и какви проблеми, освен цензура, имала заради тоа. Таа на тоа одговори:

– Тоа што ми се случуваше не го доживувам како „проблем“. Ако напишам дека израелската власт е фашистичка логично е дека некој напален Евреин, а тоа и ми се случи, ќе ми напише меил како треба да ме убие. Јас и понатаму мислам се најлошо за израелската политика и останатите организации кои ги споменавте. Претпоставувам дека нив моето пишување не ги вознемирува. Јас сум една, важни се оние милијарди кои ќутат и ќе ќутат додека не цркнат.

Целото интервју прочитајте го тука.