Кошаркарите на Црвена Звезда вечерва славеа победа во дербито од 13. коло во АБА лигата против Партизан со 87:84.

Клучна во победата на ,,црвено-белите” беше последната четвртина, се до последниот период гледавме изедначена битка и двете екипи се менуваа во водството.

Последниот обид за некаков пресврт Партизан го испушти кога некаде на средина на таа последна четвртина израмни на 78-78, но за нешто повеќе избраниците на Жељко Обрадовиќ немаа сили.

Во редовите на Звезда повеќе различни кошаркари постигнуваа поени, па такс најефикасен беше Калиниќ кој средбата ја заврши со 13 поени, додека за Партизан 19 постигна Браун.

По овој триумф на Звезда двата големи ривали се израмнија со Будуќност на врвот на табелата со по 13 бода.