Вечерњи лист го анализира спорот со Бугарија: „Македонците не постојат, тие се производ на инженерингот на Тито“

Според хрватскиот весник „Вечерњи лист“, Бугарија има осум барања за тоа како треба да изгледа спроведувањето на договорот за пријателство со Македонија.

Весникот кој имаше увид во меморандумот споделен од бугарската дипломатија до земјите членки на ЕУ пишува дека дека на Македонија и се заканува блокада за почетокот на преговорите со ЕУ од страна на Бугарија кои бараат македонскиот јазик да се нарекува исклучиво „официјален јазик на Република Северна Македонија“.

„Процесот на проширување не смее да го легитимира етничкиот и јазичниот инженеринг што се случи за време на поранешните авторитарни режими“, напиша бугарската дипломатија во документот споделен со другите земји-членки.

Комитетот на постојани претставници во кој членуваат амбасадори од сите земји-членки на ЕУ, разговараше за ова прашање на вчерашниот состанок на Советот на ЕУ во Брисел.

Прочитајте и...  Пожар во ковид-болница во Индија: Најмалку пет лица загинаа, 28 се повредени

Бугарскиот претставник дистрибуираше „меморандум за појаснување“ во кој се истакнува бугарската верзија на историјата во која придавката „македонски“ не означува национален идентитет, туку географско потекло затоа што „географски и историски Македонија е област која денес лежи во границите на шест држави“, објаснуваат Бугарите.

Тие додаваат дека Јосип Броз Тито наметнал „нов идентитет“ на луѓето кои претходно се декларирале Бугари, Србите подоцна сакале да ги идентификуваат како „јужни Срби“, а Тито ги прогласил за Македонци. И тој го стори тоа, пишуваат Бугарите, инспирирани од одлуките на Коминтерната.

Вечерњи лист потсетува дека земјите-членки на ЕУ „сакаат официјално да го наградат Скопје за напорната работа на почетокот на преговорите со ЕУ, и дека Владата на Заев исто така се согласи да го смени името на земјата со цел да се отстранат пречките за почеток на преговорите кои доаѓаа од Грција…

Прочитајте и...  ВИДЕО: Предупредувањата не ги запреа Американците да патуваат за Денот на благодарноста

Беше потпишан договор за пријателски односи со Бугарија, кој требаше да ги отстрани бугарските пречки. Но, Бугарите продолжуваат да се закануваат со вето.

Осум специфични барања се однесуваат на толкувањето на Бугарија за тоа како треба да изгледа примената на потпишаниот договор за пријателство со Северна Македонија во пракса.

Македонците треба да се согласат дека во Бугарија нема македонско малцинство. Жртвите на југословенскиот комунистички режим кои страдаа затоа што се прогласија за Бугари треба да бидат рехабилитирани.

Преку работата на заедничката комисија од историчари и други експерти, двете влади треба да се договорат за „клучните фигури и настани од нашата заедничка историја до 1944 година“, пишува Вечерњи лист.

Поврзани вести

Младите во Франција ќе бидат „главни жртви“ на економскиот пад предизвикан од пандемијата

Слободен печат

Орбан: Унгарија останува „цврста“ на ставот за ветото на буџетот на ЕУ

Слободен печат

ВИДЕО+ФОТО: Донација од 13500 брзи ковид тестови од Кралството Норвешка

Слободен печат

Радев повика на смирување на страстите, да не се интегрира билатералниот проблем во ЕУ

Слободен печат

Кипар воведува полициски час од 21 часот

Слободен печат

Николовски: Институции ќе се спојуваат и вмрежуваат, процесот нема да е лесен

МИА Агенција

Остави Коментар

MacedonianAlbanianBulgarian