Вчера стана најмлад Англичанец кој постигнал гол во ЛШ, денеска одлучи да игра за Германија

epa08865592 Jamal Musiala of FC Bayern Muenchen in action during the Bundesliga match between FC Bayern Muenchen and RB Leipzig at Allianz Arena in Munich, Germany, 05 December 2020. EPA-EFE/Alexander Hassenstein / POOL DFL regulations prohibit any use of photographs as image sequences and/or quasi-video.

Младиот фудбалер на Баерн Минхен, Џамал Мусиала одлучи во иднина да настапува за репрезентацијата на Германија наместо за Англија за која настапуваше во младите селекции.

Мусиала (17 години) е роден во Штутгарт, мајка му е Германка, додека татко му има британско-нигериско потекло и досега има одиграно 22. натпревари за младите селекции на Англија.

Но, по разговорот со германскиот селектор Јоаким Лев, младиот фудбалер одлучи во иднина да игра за „панцирите“.
Џамал Мусаила вчера стана вториот најмлад стрелец во историјата на Лигата на шампионите кога постигна гол за Баерн Минхен во победата од 1:4 на гостувањето кај Лацио. Во исто време, тој стана и најмлад англиски фудбалер кој е стрелец во ЛШ, но неколку часа подоцна објави дека во иднина ќе игра за Германија.

– Имам срце за Германија и срце за Англија. Долго време размислував по ова прашање, што е најдобро за мојата идина? Каде ќе имам повеќе шанси да игра? На крајот го послушав чувството кое веќе подолго време ми „зборува“ дека вистинската одлука е да играм за Германија, државата во која сум роден.Имав отворен разговор со Јоаким Лев, имавме средба во Минхен и јасно ми го покажа мојот пат во репрезентацијата – изјави Мусиала.

Оваа недела ќе остане засекогаш во убави спомени на Мусиала бидејќи освен што постигна гол во Лигата на шампионите и одлучи да игра за Германија, во петок ќе наполни 18 години и ќе го потпише првиот професионален договор со Баерн Минхен.
Оваа сезона, Мусиала одигра 27. натпревари за Баерн Минхен во сите натпреварувања и постигна четири голови.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот