Важноста на Преспа форумот за дијалог по блокадата од Бугарија, анализираат Георгиев и Димовски

Поранешниот пратеник на СДСМ, Гордан Георгиев и поранешниот пратеник на ВМРО-ДПМНЕ денеска дебатираа на Телевизија 24 за важноста на Преспа форумот кој се одржува денес и за блокадата од страна на Бугарија.

„Пораките од високите претставници на ЕУ и САД се важни, но тоа се пораки кои често се повторуваат уште пред одржувањето на референдумот во земјава. Веќе граѓаните на оваа држава се заморени и направија еден блок наспроти власта за случајот со Бугарија и јасно кажа до каде може да одиме. Тој блок се должи на едно чувство на повреденост после договорот со Грција, но ова не е само тапкање по рамо од страна на високите странци што доаѓаат“, истакна Георгиев.

Тој истакна дека Преспа форумот кој се одржува денес е значаен настан за земјава, бидејќи присутни се навистина важни луѓе од САД и ЕУ и дека секој висок претставник е дојден со своите интереси. Георгиев напомена дека Република Бугарија и Франција отсуствуваат од форумот.

Илија Димовски пак, ја напомена важноста за координацијата помеѓу власта и опозицијата за одредувањето на националните црвени линии и ја обвини македонската дипломатија за немањето храброст да реагира соодветно.

– Нашата дипломатија деновиве не собраа храброст да изреагира соодветно на изјавата на министерката од Португалија. Не верувам во случајности на тоа ниво на дипломатија и припреми. Ние сме доведени до прагот, доведено е во прашање нашето опстојување, опстојувањето на македонскиот народ. Се пропушта минимум координацијата помеѓу власта и опозицијата за одредувањето на националните црвени линии, истакна Димовски.

Видео на денот