Важноста на истечените пасоши на нашинците во странство ќе биде продолжена до крајот на годината

Патна исправа/ Пасош/Фото: МИА

 За да им се излезе во пресрет на нашите државјани во странство чии пасоши се истечени или нивната важност истекува годинава, ќе бидат извршени законски измени со што важноста на овие патни документи ќе биде продолжена да крајот на годината, најави денеска министерот за надворешни работи Бујар Османи.

Тој нагласи дека наши дипломати со мобилни тимови ги сликаат нашинците во странство за да им издадат нови пасоши, со што досега се издадени над 7 000 патни документи, но дека има проблем со македонските држајавни со истечени пасоши што се во Кина.

– Ако мобилните тимови отидат во Кина да ги сликаат 12-те наши државјани, ќе треба да бидат 30 дена во карантин. Затоа најдовме друго решение, Министервото за внатрешни работи да го продложи рокот на важноста на пасошите до крајот на годината, со измена на Законот, за да може граѓаните да ги искористат сегашните пасоши со изминат рок, изјави Османи.

Тој истакна дека сака да ги демантира гласините оти има проблеми со замената и издавањето на пасошите на нашите државјани во странство и оти тоа е масовна појава.

– Наједноставен начин е со една законска измена да го продолжиме траењето на нивните пасоши до крајот на годината, изјави Османи, додавајќи дека сепак светот е во кризна ситуација со пандемијата со Ковид-19 и мораме да се адаптираме на кризните услови.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот