Васоски нов селектор на македонската У21 репрезентација!?
Александар Васоски остана без ангажман после разделбата со Сараево од Босна и Херцеговина, поточно по натпреварот со Железничар во тамошниот шампионат, нашиот тренер си поднесе оставка која подоцна беше прифатена.
Васоски се врати во Македонија, а потоа во интервју за босанските медиуми објасни колку го погоди неуспехот со Сараево.
– Штета што не можевме да го следиме мојот концепт на долг рок. На некои натпревари беше јасно дека Сараево може да игра како што сакам јас, тоа е офанзивен фудбал со многу шанси, но проблемот беа индивидуалните грешки. Тие нè чинеа бодови. Значи, ако го анализираме и игнорираме мечот со Зрињски на гости, речиси во сите бевме статистички подобри од противниците. На натпреварот против Железничар загубивме со 2:0, имавме црвен картон и многу повеќе шанси во однос на нив. За жал, резултатот изостана и тренерот е тој што прв го плаќа цехот, а јас имам образ – рече Васоски.
Можно е наскоро Васоски да биде има нов тренерски ангажман, вели дека преговара со два клуба.
– Преговарам со два клуба, едниот е од Македонија, доста моќен, а другиот е од странство. Постои и опција за преземање на репрезентацијата на Македонија до 21 година. Деновиве секако ќе донесам одлука – се зборовите на Васоски.