Поранешниот директор на ЕСМ, Васко Ковачевски не е уапсен во големата полициска акција што од утрово се спроведува за злоупотреба на јавна набавка, а според информациите на „Слободен печат“, тој од септември ја напуштил државата.

Според нашите информации, осомничени се 19 физички лица, а освен Ковачевски недостапни за полицијата се уште три лица, меѓу кои и Васко Стефанов кој го наследи Ковачевски на директорското место.

Освен овие физички лица има осомничени и правни лица.

Од МВР само потврдуваат дека во тек е полициска акција.

-Во тек е полициска акција во координација со Обвинителството за гонење на организиран криминал и корупција. По завршувањето на истата соодветно ќе ја известиме јавноста, велат од МВР.

Детали за акцијата за подоцна најавуваат и од ОЈОГОКК.