САД додадоа седум ирански компании на својот список за санкции, поради нивната поврзаност со производството на дронови што Русија ги користи во инвазијата врз Украина, соопшти американското Министерство за трговија.

Меѓу додадените на американската „црна листа“ се ирански структури поврзани со разработката и производството на мотори за авиони, воено-космичките сили на Корпусот на стражите на исламската револуција, компанијата МАДО, која е специјализирана за производство на делови за беспилотни летала, а санкционирана е и на компанијата Paravar, за создавање на дроновите-камикази „Шахед“, како и претпријатието Shahed Aviation Industries.

Во соопштението на Министерството се истакнува дека со своите дронови Иран ја снабдува Русија за користење во Украина, што е против националните интереси и безбедноста на САД.