Варди му донесе прва победа на Лестер во Лондон по 47 години

epa08773819 Jamie Vardy of Leicester celebrates after scoring the 1-0 lead during the English Premier League soccer match between Arsenal FC and Leicester City in London, Britain, 25 October 2020. EPA-EFE/Catherine Ivill / POOL EDITORIAL USE ONLY. No use with unauthorized audio, video, data, fixture lists, club/league logos or 'live' services. Online in-match use limited to 120 images, no video emulation. No use in betting, games or single club/league/player publications.

Фудбалерите на Лестер го совладаа Арсенал во Лондон со 0:1 во рамките на шестото коло од Премиер лигата.

 Триумфот на „лисиците“ го донесе Џејми Варди со голот во 80. минута, откако 20. минути порано влезе во игра и се покажа како одличен џокер на менаџерот Брендан Роџерс.

Јури Тилеманс упати одлична топка со Џенгис Унгер кој веднаш ја врати во средината од каде Варди погоди за прва победа на Лестер над Арсенал во Лондон по пауза од 47 години.


Оттогаш Арсенал и Лестер во Лондон одиграа 23 натпревари на кои „топчиите“ славеа на 19, а четири средби завршија нерешено.
Со победата Лестер се искачи на четвртото место на табелата со 12 бода, додека Арсенал е 10. со девет бодови и во наредното коло го очекува дербито против Манчестер јунајтед на „Олд трафорд“.

Лидерот на табелата, Евертон денеска го доживеа првиот пораз сезонава, на гостувањето кај Саутемптон и тоа со 2:0. Ворд-Праус и Адамс со головите во првото полувреме му донесоа триумф на својот тим. Евертон и покрај поразот остана лидер на табелата со 13 бода, исто колку што има и градскиот ривал Ливерпул.

Вулверхемптон и Њукасл ги поделија бодовите играјќи 1:1, а головите беа постигнати во самиот финиш од натпреварот. Волците поведоа со голот на Раул Хименез во 79. минута, додека Њукасл до бодот дојде преку Марфи и неговиот гол во 89. минута.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот