Вардар1961 подобар во контролниот меч против Металург
Вардар1961 победи денеска на пријателскиот натпревар против Металург со 29:24 со што го означија почетокот на подготвителниот период во кој ќе се играат мечеви до почетокот на сезоната.
Двајцата тренери им дадоа шанса на сите играчи што ги имаат на располагање и повеќе се внимаваше на воигрувањето и „барањето“ на вистинската седморка која треба да го понесе товарот во текот на сезоната.
Металург го отвори добро дуелот, имаше минимална предност, а од 12 минута Вардар1961 првпат поведе и потоа се играше „гол за гол“.
Во последните минути од првиот дел „црвено-црните“ зголемија на 15:13, резултат со кој заврши првото полувреме.
Во вториот дел „црвено-црните“ беа тие кои беа во позитива, иако екипата од Автокоманда постојано резултатски беше во игра и израмни на 21-:21. Повторно во последните минути Вардар направи предност од неколку голови.