Вардар се спаси од голем срам во СЕХА лигата! – Слободен печат
РакометСпорт

Вардар се спаси од голем срам во СЕХА лигата!

Факт е дека македонскиот, регионален и европски шампион не е комплетен поради повредени играчи, но нов евентуален пораз од уште помалку квалитетен тим ќе значеше „црвен аларм“, иако тој можеби веќе е вклучен.

Денеска на гостувањето во Србија во својот осми натпревар сезонава во СЕХА Газпром лигата составот на Вардар триумфираше со 33:35 против екипата на Војводина.

После првото полувреме не се најавуваше било какви бодови за „црвено-црните“, бидејќи имаа негатива од дури четири голови разлика (20:16), а голманското трио Гедбан-Кизиќ-Гогов немаа ниту една одбрана во првите 30. минути.

За нивна среќа тимот на Кокшаров се опорави и направи целосен пресврт што ги доведе до седмиот триумф сезонава во регионалното натпреварување.

На листата најдобри стрелци кај нашиот првак се одвоија Тимур Дибиров со 11 голови, еден помалку запиша Павел Атман. Кај голманите Гедбан имаше четири одбрани, Кизиќ една, Гогов ниту една (0/11).

На спротивната страна Бранко Томиќ имаше седум голови, а нивните голмани Арсениќ шест, а Веркиќ две интервенции.

Моментно во групата „А“ води Вардар со 21 бод, пред Мотор Запорожје кој има 18.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close