Вардар се подготвува за првиот меч сезонава во ЛШ! (ВИДЕО)
Денеска актуелниот европски шампион ги продолжи подготовките за новата натпреварувачка сезона 2020/21 во Лигата на шампионите. „Црвено-црните“ се целосно фокусирани на првиот дуел со Мешков Брест во Белорусија.
Вардар после настапот на Фајнал-фор турнирот во СЕХА Газпром лига каде што го освои второто место, сега може комплетно да се насочи кон главното што ќе се случува во сезоната, настапите во најквалитетното европско клупско натпреварување, ЛШ.
За шест дена (16 септември) играчите на тренерот Стевче Алушовски со почеток од 18.45 часот ќе играат против Мешков Брест на гостински терен.
Првиот дуел на домашен терен во СЦ „Јане Сандански“ – Скопје нашиот претставник ќе го има на 24 септември од 20.45 часот против норвешкиот Елверум.
Потсетување дека екипата на Вардар е во група со ПСЖ, Кјелце, ПИК Сегед, Мешков, Порто, Елверум и Флензбург.