Првиот од двата последни натпревари во групната фаза македонските шампиони ќе го играат денеска од 20.15 часот во СЦ „Јане Сандански” против Татран Прешов.

Екипата на Едуард Кокшаров во рамките од групата „А“ е првопласиран на табелата со 21 бод, три повеќе од Мотор Запорожје. Во случај на ист број бодови, „црвено-црните” ќе бидат првопласирани поради подобрата меѓусебна гол разлика.

– Знаеме дека ќе го играме нашиот последен натпревар на домашен терен во 2019. година. Целта е да одиграме најдобри и го завршиме регуларниот дел од сезоната на најдобар можен начин. Целта е да триумфираме – се зборовите на левото крило на Вардар, Димитар Димитриоски.

На сите досегашни девет сезони на СЕХА лигата, Вардарци секогаш играле на Ф4 турнирот.

Средбата против Словаците е последна за оваа година за Вардар на домашен терен, а претпоследна во СЕХА со оглед на тоа што останува уште гостувањето во Хрватска кај Нексе.

Во продажба се билетите за натпреварот, на билетарницата на СЦ „Јане Сандански” и он лајн преку www.ticketplus.mk