Вардар против Шкендија во осминафиналето од Купот
Ждрепката во ФФМ сакаше уште во осминафиналето да се сретнат големите ривали, Вардар и Шкендија, кои се вбројуваат меѓу кандидатите за освојувањето на куп титулата.
Претходно тетовските „црвено-црни“ на Ќатип Османи го елиминираа Гостивар со 4:1, а фудбалерите на Александар Васоски беа убедливи со 5:0 над Каменица Саса.
Се очекува интерес да привлече уште еден дуел, оној меѓу битолски Пелистер и скопскиот Работнички.
Куп на Македонија
Парови за осминафинале –
Академија Пандев-ГФК Осогово
Брегалница-Македонија ЃП
Шкупи-Силекс
Пелистер-Работнички
Тиквеш 1930-Ренова
Лабуништа-Охрид Лихнидос
Борец-Струга Трим Лум
Вардар-Шкендија
Натпреварите ќе се играат на 25 септември од 15.30 часот и 30 октомври 2019 година со почеток од 13.30 часот.