Вардар поразен, титулата во СЕХА за Веспрем
Денеска во големото финале на Фајнал-фор турнирот во Задар (Хрватска) македонскиот претставник Вардар 1961 загуби од Веспрем со 27:35 (12:15).
За унгарската екипа ова е трета титула во СЕХА Газпром лигата, а „црвено-црните“ останаа на досегашните пет трофеи.
Кај играчите на тренерот Стевче Алушовски прв стрелец беше Глеб Калараш со шест голови, по два помалку запиша Ловро Јотиќ и Патрик Густав Валчак.
На спротивната страна во тимот на Давид Дејвис се одвои Петар Ненадиќ со пет голови, по четири имаа нашиот репрезентативец Дејан Манасков, Рожерио Мораеш Фереира, Андреас Оливер Нилсон и Мате Лекаи.
Претходно во борбата за третото место Мешков Брест од Белорусија триумфираше над хрватскиот ППД Загреб со 29:24.