Екипата на Вардар со една нога се наоѓа во  Втората лига откако денеска загуби во градското дерби против Работнички со 1:3. Опстанокот во Првата лига станува речиси невозможна мисија бидејќи директниот конкурент, екипата на Ренова ја совлада Беласица со 3:1 и им избега на „црвено-црните“ на четири бода.

Вардарци уште во првото полувреме имаа негатива од 0:2 откако Силјановски во 12. и Ѓурѓевиќ во 26. минута погодија за Работнички. Дилемите околу победникот беа решени во 57. минута кога Јевтовски му донесе водство на Работнички од 0:3. Во самиот финиш, Вардар преку Петејчук го постигна почесниот гол.
Екипата на Ренова благодарение на хет-трикот на Ален Јашароски со 3:1 ја совлада веќе отпишаната Беласица.

ФОТО: ФК РАБОТНИЧКИ

Резултати:
Пелистер – А. Пандев 3:1
Ренова – Беласица 3:1
Шкендија – Струга ТЛ 0:2
Шкупи – Македонија ЃП 0:0
Силекс – Борец 1:1
Вардар – Работнички 1:3

Табела: Шкендија 71, Шкупи 57, Македонија ЃП 52, Струга ТЛ 51, Работнички 44, Пелистер 41, Борец 37, Силекс 36, Ренова 35, А. Пандев 35, Вардар 31, Беласица 17.