По триумфот во Суперкупот на Македонија, ракометарите на Вардар 1961 сезонава повторно го совладаа нивниот најголем ривал Еурофарм Пелистер овојпат во домашната Суперлига со 30:25.

Во текот на првото полувреме Вардар пред своите навивачи во СЦ „Јане Сандански“ имаше предност од пет голови разлика (6:1, 8:3), а по првиот дел водеше со 15:12.

Домаќините продолжија со истото добро темпо и во второто полувреме, стигнаа и до шест голови предност (19:13) по 36 минути игра. Битолчани во следниот период успеаја да анулираат пола од својата негатива за 21:18, нешто подоцна беше и 23:20. Во последните 10 минути Вардар не дозволи противникот да направи целосен пресврт и до крајот на мечот го задржа своето водство.

Во победничките редови по шест голови имаат Јасухира и Срдановиќ, а значаен придонес имаше и голманот Томовски со 15 одбрани. На спротивната страна шест погодоци запиша Борзаш, а по пет Кузманоски и Костески.

За актуелниот првак Еурофарм Пелистер ова беше прв меч сезонава во првенството, а скопските „црвено-црни“ веќе имаат „два од два“ во шампионатот.

Моментно во групата „Б“ на табелата по шест бодови имаат Тинекс Пролет, Вардар 1961 и Голден Арт три Прилеп, а ниту еден Мулти Есенс, Бутел Скопје, Еурофарм Пелистер и Вардар Неготино.

Вардаровите ѕвезди Борко Ристовски и Стојанче Стоилов ја завршија кариерата

РК Алкалоид подобар и од Охрид, втора победа за вицешампионот во Суперлигата