Како што е веќе познато, ракометниот клуб Вардар во новата сезона од ЕХФ Европската лига ќе игра во групната фаза, поточно во групата Ф.

Од претходно веќе беше познат еден противник на скопските „црвено-црни“, Порто од Португалија, а во саботаа ги дознаа и останатите два противници кои обезбедија место преку квалификациите.

Германскиот Мелсунген по втор пат го совлада норвешкиот Елверум овој пат со 36:31. На првиот меч Мелсунген славеше со 28:23.

Исландскиот Валур беше поразен со 32:24 на реваншот против Винковци од Хрватска, но успеа да ја одбрани предноста од првиот меч од „плус девет“ (34:25).

Во новата сезона од Европската лига, екипите се поделени во осум групи, а натпреварите ќе се играат од 8 октомври до 26 ноември. Првопласираните две екипи од секоја група ќе обезбеди пласман во разигрувањето.

Според најавите, Вардар во првото коло ќе биде домаќин на Валур.