Вардар без пола тим и без многу мака му даде 44 гола на Мотор – Слободен печат
РакометСпорт

Вардар без пола тим и без многу мака му даде 44 гола на Мотор

Бранителот на титулата со шарен состав без многу мака го совлада Мотор во седмото коло од СЕХА лигата.

Вардар продолжува во победнички ритам во СЕХА лигата и вечерва дојде до шестата победа, а петта во низа во СЕХА лигата. Вардарци со 44:37 го совладаа Мотор, тимот од кого го доживеаја единствениот пораз досега во ова натпреварување (31:32 во второто коло).

И двете екипи на оваа средба настапија без неколку стандардни ракометари, кај гостите од Украина недостасуваа десетина првотимци, додека тенерот на Вардар, Едуард Кокшаров одлучи да ги одмора Криштопанс, Атман, Горбок, Дисингер…

Првото полувреме помина во израмнета игра на двете екипи, најголемото водство кое Мотор го имаше беше два гола (15:17), додека Вардар во неколку наврати исто така имаше два гола предност, но на одмор се замина со минимално водство од 20:19.

Во второто полувреме, Вардар за девет минути дојде до предност од пет голови (28:23) и до крајот рутински го одржуваше водството. Тимур Дибиров беше најефикасен во Вардар со 11 постигнати гола, Иван Чупиќ даде девет гола без промашување, додека Данил Шишкарев седум пати ја тресеше мрежата на противникот.

Со новата победа Вардар е прв на табелата во групата А со 18 бодови, додека Мотор е на второто место со три бода помалку. Во наредното осмо коло, Вардар на 15 декември му гостува на Нексе.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close