РК Вардар 1961 го одигра последното коло во групната фаза од регионалната СЕХА лига. Избраниците на Стевче Алушовски денеска гостуваа во Нови Сад (Србија), кај екипата на РК Војводина и беа поразени со 33:24 (16:10).

Вардар отвори со гол на Калараш, домаќинот врати и изедначи на 1:1. Двата тима беа постојано резултатски блиску до 16 минута кога со погодокот на Дибиров поведе македонскиот состав со 8:9. Следеа минути на домаќинот до одморот тие беа во налет и погодија осум пати во мрежата на Кантегрел, Вардарци вратија со само еден гол преку Калараш. На одмор Вардар 1961 замина со негатива од шест погодоци, на семафорот беше 16:10 за домаќинот на оваа средба.

Преку Томиќ во 32 минута прв пат Војдовина поведе и со осум гола (18:10). Шестмината кадети кои беа во составот на „црвено-црните“ денес почнаа да добиваат шанса и да ги постигнуваат своите дебитански голови на овој дуел.

На седум минути до крајот повторно српскиот тим отиде на „плус осум“ (30:22) преку Миленковиќ.

Кај гостите први стрелци беа руските интернационалци Дибиров со девет и Калараш со седум погодоци. Така, после овој пораз „црвено-црните“ го избегнаа Веспрем, а во осминафиналето од натпреварувањето ќе се соочат со Металопластика.