Денеска ракометниот клуб Вардар 1961 објави дека двата натпревари од Лигата на шампионите против Елверум од Норвешка ќе ги игра во Скопје во СЦ „Јане Сандански“.

Првиот меч е закажан за 21 февруари во 16.00 часот, додека вториот кој првично требаше да се игра на теренот на противникот, ќе се игра исто така во нашиот главен град на 24 февруари во почеток од 18.45 часот.

Потсетување дека пред два дена „црвено-црните“ имаа дуел во ЛШ и загубија од унгарскиот Пик Сегед со 28:26, иако имаше предност после првото полувреме (15:13).

Моментно на табелата во групата „А“ води Кјелце со 15 бодови, колку што има и Флензбург на втората позиција, следуваат Мешков Брест (11), ПСЖ (осум), Пик Сегед (осум), Порто (осум), Елверум (четири) и последен е Вардар 1961 (три).

Претходно составот на Стевче Алушовски го дозна и ривалот во Купот на Македонија, Вардар кој 13 пати беше досега победникот во ова натпреварување, во елиминациската фаза ќе игра против Текстилец од Штип.

Куп: Вардар 1961 го доби Текстилец, а Металург се соочува со МРК Куманово