ВАР во Премиер лигата: Головите повеќе нема да се поништуваат поради милиметри
Употребата на ВАР технологијата во англиската Премиерлига ќе биде со подобар квалитет отколку минатата сезона, кога головите во Премиер лигата беа поништени поради милиметарски офсајди.
Навивачите и сите љубители на најважната споредна работа во светот беа незадоволни поради таквите бизарни ситуации, но се најавува се дека повеќе нема да има проблеми со ВАР.
Шефот на судиската организација Мајк Рајли рече дека головите повеќе нема да бидат откажани поради милиметар, и дека линиите повлечени кон позицијата на напаѓачите и дефанзивците ќе бидат подебели.
– Тоа значи дека ВАР повеќе нема да откажува голови поради бизарни офсајди. Така, на напаѓачите ќе им се даде предност. Нема да има повеќе поништени голови бидејќи играчот бил неколку милиметри пред одбраната – рече Рајли.
Новата натпреварувачка сезона во Премиер лигата ќе стартува на 13 август.
Players will be given the benefit of the doubt as goals won't be ruled out for offside due to toenails and noses this season, referee chief Mike Riley has said.
— Sky Sports Premier League (@SkySportsPL) August 3, 2021