Евертон стартуваше одлично на натпреварот, уште во третата минута, голманот на „црвените ѓаволи“, Давид де Хеа прави катастрофална грешка со која Евертон поведе со 1:0.

Сепак, до крајот на првото полувреме, јануарското засилување, Бруно Фернандеш, во 31. минута донесе израмнување.

До крајот на натпреварот и двете екипи имаа свои шанси да дојдат до победата, а најголемите возбудувања се случија во судиското продолжение кога Евертон постигна гол, но тој беше понишен од ВАР технологијата. Во 93., минута, Доминик Калверт-Луин постигна гол, но ВАР го поништи поради офсајд позиција.

На вториот натпревар, Тотенхем доживеа вистински шок пред своите гледачи поразен е со 2:3 од Вулверхемптон. Тотенхем на полувреме имаше предност од 2:1, но гостинските фудбалери во вториот дел постигнаа два гола преку Жота и Хименез и дојдоа до изненадувачка победа.