ВАНИЛА: Зачин кој е лековит и го подобрува либидото
Ванилата е еден од најпопуларните и најлековитите зачини во светот. Мешунките на ванилата се плод на вид на ползечка орхидеја која расте во тропски шуми.
Постојат над 150 видови ванила, а најпопуларни се типовите „бурбон“ и „тахити“. Некои индијански племиња ванилата ја користеле како противотров, за помош при белодробни заболувања, но и при сифилис.
Ванилата содржи голем број на антиоксиданси, витамин Б, минерали, железо, цинк и магнезиум. Помага при проблематична кожа, ги смирува симптомите за грип, а може и да го користат бремените жени за да го намалат гадењето. Кај девојките, помага за полесно поднесување на менструалните симптоми.
Аромата на ванилата го намалува стресот и напнатоста, но и го покачува либидото.
Во козметиката, екстрактот од ванила се користи како антибактериски додаток во кремите против акни.
Секоја мешунка може да се користи двапати – еднаш кога се користат семките и вторпат, кога по користењето можете да ги чувате во сад со шеќер за да направите домашен ванилин шеќер.