Шефот на кинеската дипломатија Ванг Ји денеска изјави дека Јужно Кинеско Море не е „сафари парк” за земјите кои не припаѓаат на регионот, ниту е „арена за борби ” каде би се натпреварувале големите сили.

Тој истакна дека земјите од подрачјето треба сами да управуваат со регионот.

Ванг учествува на виртуелен семинар по повод 20-годишнината од потпишувањето на Декларацијата за однесување на локалните страни во  Јужно Кинеско Море.