Вандализам во Гевгелија за време на полицискиот час

Градоначалникот Сашо Поцков остро го осуди овој нечовечки чин и утринава побара од органите на прогонот под итно да се преземат мерки за откривање и санкционирање на сторителите на вандализамот.

Невиден вандализам се случичил синоќа во Гевгелија на централното градско шеталиште каде за време на полицискиот час од страна на непознати сторители биле искршени повеќе жардинери пред државни и приватни објекти, урбана опрема, а биле искршени и палми и украсни дрвца пред фонтаната на хотел во градот.

Во овие тешки моменти кога сите се загрижени за заштита на личното и колективното здравје од коронавирусот, граѓаните се згрозени од досега незабележениот вандализам во овој град.

Градоначалникот Сашо Поцков остро го осуди овој нечовечки чин и утринава побара од органите на прогонот под итно да се преземат мерки за откривање и санкционирање на сторителите на вандализамот.

Припадници на ОВР Гевгелија извршија увид на терен и во тек е прегледување на снимки од видео надзорите на неколку угостителски објекти заради откривање на идентитетот на сторителите.

Вработените на јавното комунално претпријатие претпладнево извршија целосна замена и обнова на искршените жардинери, оштетеното цвеќе и искршените дрвца. 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот