Горан Ристовски, еден од нашите најталентирани визуелни уметници, на својот Фејсбук профил сподели дека неговиот мурал „Човекот од Струга“, парче уметност коeшто го подарил на својот роден град, деновиве бил покриен со билборд.

– Создавањето и покривањето на очите на „Човекот од Струга“… на муралот задно работевме со Марко Јанев и Enkel Dika во рамките на проектот „Струга креативен град“ 2017, напиша Ристовски на Фејсбук.

Голем број уметници искажаа поддршка за овој млад уметник, меѓу кои и Никола Пијанманов којшто ова го смета за „вандализам против современата ликовна уметност“.

– Муралот на колегата, уметникот Горан Ристовски во Струга, е бесрамно и натрапнички покриен со билборд. Ова го сметам за вандализам против современата ликовна уметност, напиша Пијанманов на Фејсбук.