СпортФудбал

Ванда повторно провоцира: Му земаа сè, но не и желбата да игра за Интер

Сопругата на Мауро Икарди уште еднаш го пофали Мауро и неговата желба да ги носи дресот на „нероаѕурите“.

Хаосот кој владееше во Интер изминатите неколку месеци полека стивнува и работите си доаѓаат на свое. Тимот е сè поблиску до пласман во Лигата на шамионите, несогласувањата на релација управа – Мауро Икарди се очекува да бидат разрешени, а тренерот Лучано Спалети го доби потребниот мир во соблекувалната со кој се вратија победите.

Интер вчера со 3:1 го совлада Фросиноне и се зацементира на третата позиција на табелата, а Мауро Икарди беше дел од тимот, но без капитенската лента.
Ванда Нара, која е главен виновник за хаотичната состојба околу Икарди и преговорите за новиот договор, не пропушти да ги пецне челниците на екипата.

– На Мауро му ја одземаа капитенската лента, му го одземаа правото да ги изведува пеналите, но никогаш нема да му го одземат задоволството и среќата да игра за Интер – изјави Ванда Нара во емисијата „Тики така“.

Причина за ваквата реакција е што на дуелот со Фросиноне, ударот од белата точка го изведе Иван Перишиќ, а не Икарди.
– Еве да го прашаме Лука Тони кој е со нас во студиото, беше врвен напаѓач, дали ти како Марио би дозволил некој друг да изведува пенал – го праша Ванда поранешниот италијански репрезентативец кој беше во студиото.

Тони џентлменски ѝ одговори на сопругата на Икарди.
„За мене тој гест е вреден за почит, и е поважен од секој погодок бидејќи е убаво да се види како еден напаѓач му препушта на колега да шутира пенал“ одговори Тони.

Тагови
Прикажи повеќе

Слични артикли

Напишете коментар

Вашата адреса за е-пошта нема да биде објавена. Задолжителните полиња се означени со *

Close