Валверде се прости од Барселона
Тренерот кој вчера доби отказ, денеска со отворено писмо се прости од навивачите, управата, фудбалерите на клубот.
Шпанскиот шампион вчеравечер соопшти дека му врачи отказ на Ернесто Валверде и како негов наследник го назначи Кике Сетиен. Денеска Валверде со отворено писмо се прости од навивачите, управата и фудбалерите:
„Драги навивачи на Барселона,
Дојде време да се разделиме. Ова беа возбудливи две и пол години. Имавме моменти за уживање, славевме победи и освојувавме трофеи. Сепак, имаше и моменти кога беше тешко. Сепак, пред се, благодарен сум на поддршката која ми ја дадовте.
Сакам да се заблагодарам и на претседателот и бордот на директори кои ми дадоа можност да ја водам екипата на Барселона. Благодарен сум на сите луѓе со кои работев, за постојаната поддршка која ми ја пружаа но и за односот кој го имаа кон мене. Нормално, сакам да им се заблагодарам на фудбалерите за вложениот труд кој ни донесе четири заеднички трофеи. Од сега и посакувам најголема среќа, исто и на новиот тренер“, стои во писмото на Валверде.