Вакцинираните патници од ЕУ и САД без карантин ќе можат да престојуваат во Англија
Англија од следната недела на сите вакцинирани посетители од Европската унија и САД ќе им овозможи да влезат во земјата без задолжителен карантин, соопшти денеска британскиот министер за транспорт, Грант Шапс, што е веста што долго ја очекуваа авиокомпаниите и туристичките компании.
Британската туристичка индустрија остро ја критикуваше владата за пребавното отворање на земјата, тврдејќи дека не ја искористи водечката позиција во светот со вакцинирањето, со што на ЕУ и даде предност во привлекувањето туристи.
Владата соопшти дека од 2 август сите патници вакцинирани со вакцини одобрени во ЕУ и САД нема да мора да одат во карантин. Одлуката ги опфаќа најголемите девет пазари во Велика Британија според бројот на посетители уште од пред пандемијата со Ковид-19.
Отворањето на Англија најверојатно ќе го следи и остатокот од Обединетото Кралство.
„Патниците, меѓутоа, пред поаѓање и веднаш по пристигнувањето во Англија ќе треба да бидат тестирани за Ковид-19″, напиша министерот Шапс на Твитер.
We're helping reunite people living in the US and European countries with their family and friends in the UK 👪
From 2nd August at 4am people from these countries will be able to come to the England from an amber country without having to quarantine if they're fully vaxxed 💉
— Rt Hon Grant Shapps MP (@grantshapps) July 28, 2021
Овој потег ќе им помогне на авиокомпаниите и туристичките агенции да го интензивираат работењето по 16 месеци ограничувања, што многумина ги доведе до сериозни финансиски тешкотии.