Вакцинираните фудбалери повеќе нема да се тестираат

Оваа одлука најверојатно ќе почне да се применува од идната недела, кога стартува новата сезона во европските купови/Фото: EPA-EFE/LAURENT GILLIERON

Европската фудбалска унија (УЕФА) најави нови промени во протоколите за одигрување натпревари под нејзина капа во делот со тестирањето на фудбалерите на ковид-19 пред секој меч.

Во иднина фудбалерите што се целосно вакцинирани или прележале коронавирус, повеќе нема да мора да прават ПЦР-тестови, пренесува „Сан“.

Оваа одлука што сѐ уште не е официјално објавена, најверојатно ќе почне да се применува од идната недела, кога стартува новата сезона во европските купови, Лигата на шампионите, Лига Европа и новоформираната Конференциска лига.

Според тоа што објавија медиуми низ Европа, УЕФА ја донела оваа одлука со цел непотребно да не се тестираат фудбалерите што имаат веќе целосен степен на заштита, односно или се целосно вакцинирани и поминале две недели од втората доза или, пак, прележале ковид-19 во изминатиов период.

Досега сите играчи се тестираа пред секој меч со цел ако се појави позитивен да биде изолиран, а според протоколот на УЕФА, еден тим може да игра фудбал и со 13 играчи сосе голман, ако останатите се позитивни, но само под услов ако локалните власти не ги стават во изолација сите од тимот.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот