Тој службеник со уште неколку колеги ја обезбедувал блиската викендичка на поранешниот лидер на Движењето за права и слободи Ахмед Доган, за кого Иванов тврди дека владата на Бојко Борисов му дозволила да заземе јавна плажа која и припаѓа на државата.

Иванов, освен тоа, го обвини Борисов дека му дозволил на Доган да користи услуги на НСО кои ги плаќаат даночните обврзници.

Два дена подоцна, претседателот на Бугарија Румен Радев, реагирајќи на тврдењата на Иванов, упати критика на кабинетот на Борисов и истакна дека НСО треба да престане да чува поединци како Доган.

Истиот ден, вооружени сили на обвинителството влегоа во претседателството и уапсија двајца службеници од админстрацијата на претседателот, а Радев и Иванов тој потег на државниот обвинител Иван Гешев го протолкуваа како пристрасност и политички чин.

Поради тоа Радев и Иванов бараа оставка од обвинителството и владата, а Борисов одби. И покрај поддршката од народот која владата на Борисов ја доби поради начинот на кој се справува со епидемијата на ковид-19, овој скандал успеа да ја обедини опозицијата, па почнаа протести најпрво во Софија, а потоа и во Варна, Пловдив и другите градови.

Протестите засега се мирни, иако повремено доаѓаше до употреба на прекумерна сила од страна на полицијата, што може дополнително да ги влоши општествените тензии и малку е веројатно дека ќе се смират сами од себе, зошто го претставуваат бесот на пошироката јавност и фрустрацијата на народот поради корупцијата во целина.

Идните парламентарни избори треба да се одржа на пролет идната година.

Се смета дека негативните економски изгледи поради епидемиолошката криза би можеле да ја дестабилизираат владата и да ја намалат поддршката за Борисов.