Успешната музичка приказна што трае 30 години, култниот рок-бенд „Ареа“ ја потврдува со новиот албум, седми по ред, насловен „Љубов е“, чија промоција се случи во понеделникот.

„Љубов е“ содржи 11 песни проткаени со многу љубов, од кои пет веќе се објавени. Минатата недела беше пуштена во етер нумерата „Јаве или сон“, која всушност беше и најава за новиот албум.

Љубовта е движечка сила што нѐ опкружува, љубовта не препознава никакви бариери…

Зошто албумот се вика „Љубов е“?

– „Љубов е“ е насловен според истоимената песна што се наоѓа на албумот, а го доби тоа име од причина што сите песни на албумот се вртат околу љубовта и „Ареа“ секогаш пее за љубовта. Сите ние се стремиме кон љубовта, кон вистинската љубов, секое човечко суштество тежнее кон љубовта – вели вокалистката Ружица Милошеска-Брчиоска.

Ружица воедно најави и дека песните од новиот албум ќе ги промовираат со концертни настапи.

Сите песни на новиот албум се авторски на членовите на бендот.

Со „Љубов е“, „Ареа“ одбележува 30 години постоење на македонското музичко небо.

ВИДЕО | Слушнете ја „Јаве или сон“, новата песна на „Ареа“