Без сомнение се очекува овој потег можеби и да се најде меѓу најдобрите пет на колото, по подолго време Вардар повторно на ЕХФ тв изборите…

Македонскиот и европски шампион и во тешки кризни и финансиски моменти се крева кога е најпотребно, денеска во СЦ „Јане Сандански“ – Скопје каде што грмеа играчите, но и навивачите, беше обезбедено осминафиналето со победата над Мотор Запорожје (38:28).

Во текот на целиот меч „црвено-црните“ го контролираа резултатот и на крајот заслужено се радуваат на бодовите, а се надеваме ќе ги има уште во последните две кола против Порто и Монпеље.

А освен бодови, зошто да не и убави голови, потези, каков што еден од мечот Вардар-Мотор одвои ЕХФ тв…

„Спектакуларна комбинација со фантастичен финиш“ – така гласи насловот на видеото и фантастичната игра на вардаровите играчи, Сташ Скубе кој прекрасно асистираше без гледање до Тимур Дибиров, а овој си поигра на еден ефективен начин го матираше противничкиот голман.