Ужасот продолжува: Талибанците објавија забрана за употреба на девизи во Авганистан
Талибанците денеска објавија целосна забрана за употреба на девизи во Авганистан.
„Економската ситуација и националните интереси во земјата бараат сите Авганистанци да ја користат само домашната валута во секоја трговија“, изјави портпаролот на Талибанците за новинарите, пренесува Ројтерс.
Употребата на американски долари е широко распространета на авганистанскиот пазар, додека валутите на соседните земји како Пакистан се користат за трговија во пограничните области.
Портпаролот на талибанците Мухамед Сухаил Шахин на 29 октомври ја повика меѓународната заедница итно да обезбеди материјална помош од 1,2 милијарди долари ветена на земјата на виртуелниот самит на Г20.
Шахин, кој е назначен за амбасадор на Авганистан во Обединетите нации, рече дека талибанската влада е подготвена целосно да соработува преку одредени агенции и други невладини организации на терен и рече дека меѓународната заедница треба да го поддржи Кабул со одмрзнување на речиси 10 милијарди долари од авганистанските средства во странство и продолжи да го финансира развојот и проектите ветени на конференцијата во Женева.