Ужасна вест од Африка: Коронавирусот ќе ги убие сите горили!
Тие би можеле да исчезнат заради епидемијата.
Горилата делат 98 проценти од човечката ДНК и може да добијат респираторни заболувања од луѓето и тоа со смртоносни последици, покажа неодамнешното истражување, кое предупредува на последиците од пандемијата „Ковид-19“ врз овие животни.
Водечките научници минатиот месец предупредија дека Ковид-19 е „егзистенцијална закана“ за приматите (највисок род на цицачи- човек, мајмун) и дека, особено за планинските горили, појавата на новата, многу заразна болест може да доведе до „потенцијално изумирање“, пишува „Гардијан“.
Според тоа, ренџерите во националниот парк Бвинди во Уганда, каде живеат околу 600 горили, носат маски за лице, користат средства за дезинфекција и држат растојание од мајмуните.
Суспензијата на екотуризмот за време на пандемијата од коронавирусот, исто така значеше дека е изгубен главниот извор на приходи за зачувувањето на горилата, а постојат стравувања дека некои околни заедници, кои се зависни од туристи, може дод очај да се свртат кон ловокрадството.
- Загрижени сме- вели Башир Ханги, портпарол на Управата за дивина на Уганда, државно тело кое управува со националниот парк „Бвинди“ и девет други национални паркови.
- Ако ова продолжи, дефинитивно ќе го смени она што го постигнавме во зачувувањето на горилата. Нема сомнение за тоа – пишува Гардијан.