УЖАСЕН НАСТАН ВО ЊУЈОРК: Жена скокнала од кров заедно со својата петгодишна ќерка
Жена од Бруклин во неделата скокнала од кровот на зградата Хелс Кичен од 12 спрат, држејќи ја во прегратка својата петгодишна ќерка, по што и двете починале, информира тамошната полиција.
Оксана Патчин (39) и Оливија Патчин биле префрлени во болницата Сент Лукс Рузвелт, каде докторите можеле само да констатираат смрт, пренесува „Фокс Њуз“.
-Тие беа одлични, немаше никакви проблеми со нив. Неможам да верувам. Ова е страшно – рекол еден познанин на починатата жена за американските медиуми.
Полициски извори и жители на зградата истакнаа дека жената посетила пријателка која живеела во истата зграда. Оксана од пријателката побарала картичка за излез на кровот, тврдејќи дека сака на својата ќерка да и го покаже погледот, тврдат полициски извори.
Woman, 39, holding her five-year-old daughter in her arms jumps from the roof of a 12-story NYC tower https://t.co/xwSZj33wGJ
— Daily Mail US (@DailyMail) January 11, 2021
Камерите потоа ги забележале мајката и ќерката како се движат, пред да ја поминат безбедносната ограда, кога мјката ја зела својата ќерка во прегратка и заедно со неа скокнала од зградата.
– Навистина ме потресе овој настан. Тоа е многу, многу вознемирувачки – рекол станар за полицијата.
Според профилите на социјалните мрежи на Оксана се гледа дека таа по потекло е од Украина, а во Њујорк студирала сметководство.
Извори од безбедносните агенции велат дека жената во текот на летото се развела од сопругот и живеела со својата мајка, а не оставила ниту проштална порака.