Српски полицаец бил уапсен, а потоа му бил одреден и притвор од 30 дена под сомнение дека обљубил 13-годишно девојче, која наводно била другарка на неговиот син, пишува Курир.рс

Полицискиот службеник со иницијали В.Ж. бил осомничен дека од март до апсењето, користејќи ја незрелоста на девојчето, со неа стапил во контакт, а потоа имал и забранети полови односи со неа.

– Станува збор за маж во своите четириесетти години, кој и самиот е татко на три малолетни деца, од кои едното е другарче со 13-годишното девојче кое било обљубено – изјавил неименуван извор  кој бил дел од истрагата за Курир.рс.

Полицаецот стекнал доверба кај девојчето, запознавајќи ја преку својот син со кој таа била близок пријател. Тој најпрво почнал да и пишува пораки на социјалните мрежи, а потоа се среќавале и во живо.

Наводно, во својот автомобил често го возел девојчето на скришни места.

Мајката открила што се случува откако забележала дека нејзиното девојче се однесува чудно.

Меѓудругото, во неговиот мобилниот телефон пронашла необични и експлицитни пораки, па ги пријавила во полиција.