Жупанискиот суд во средна Хрватска отвори истрага против маж кој е обвинет дека двапати во напуштена куќа имал полов однос со девојче кое потоа останало бремено, пренесува „24 сата“.

Мажот на сослушувањето признал дека го извршил кривичното дело, но се бранел со зборовите дека сметал оти жртвата има повеќе од 15 години. Со оглед на неговото признание, во жалбата кон судот изнел дека смета оти „не е потребно да се спроведува истрага и да се собираат понатамошни докази и податоци, особено оние кои не се спорни“.

Мажот се товари дека со цел задоволување на својот полов нагон, ја одвел малолетната девојка во напуштена куќа и ѝ се закани, за потоа да имаат полов однос. Неколку недели подоцна на истото место и на ист начин по вторпат имал полов однос со девојчето, а девојчето останало бремено.

Надлежниот суд ја одби жалбата на осомничениот.

На неименуваниот човек му се закануваат три до 12, односно 15 години затвор, се во зависност од тоа како Обвинителството ќе го карактеризира неговото дело, а под услов во судската постапка за тоа да биде и осуден.