Изградбата на гасоводот Северен тек 2 утрово во целост е завршена, соопшти руската компанија Газпром, пренесува Ројтерс.

„На оперативниот состанок на Газпром утрово, претседателот на управниот одбор, Алексеј Милер соопшти дека во 8:45 часот по московско време, изградбата на гасоводот Северен тек 2 е целосно завршена“, соопшти руската компанија „Газпром”.

⚡️ During a morning briefing at Gazprom, Alexey Miller, Chairman of the Management Committee, announced that the construction of the Nord Stream 2 gas pipeline was fully completed at 8:45 am (Moscow time) earlier this morning.@NordStream2

— Gazprom (@GazpromEN) September 10, 2021

Претходно, беше објавено дека операторот на проектот ја завршил инсталацијата на последната цевка од Северен тек 2. Компанијата очекува гасоводот да го стави во функција до крајот на годината.

Според најавите на Газпром, годинава преку овој гасовод може да се испорачаат 5,6 милијарди кубни метри гас.

Газпром планира да започне со испорака на гас преку првиот крак на Северен поток 2 од 1 октомври, а преку двата краци до 1 декември.

Северен тек 2 се состои од два краци на гасовод со вкупен капацитет од 55 милијарди кубни метри годишно и се протега од брегот на Русија преку Балтичкото Море до Германија. Работите за изградба на гасоводот беа прекинати во декември 2019 година, откако швајцарската компанија Свис Олсис (Swiss Olsis) се откажа од поставување на цевки поради американската закана од санкции.

САД и Германија се спогодија за Северен тек 2