УТРИНСКИ БРИФИНГ | Шахпаска: Над 92 отсто од вработените ќе одмораат во недела

Јагода Шахпаска, министерка за труд и социјална политика / Утрински брифинг

Предлог-законот за изменување и дополнување на Законот за работните односи, со кој се дефинира дека недела е ден на неделен одмор останува блокиран на Комисијата за труд и социјална политика, поради процедурални забелешки.

-Не беше овозможено да се отвори расправа за ова законско решение кое го очекуваат работниците и кое требаше да почне да се применува од 1 октомври оваа година. Овој Предлог закон овозможува над 92 проценти од вработените да одмораат во недела и со тоа да создадат рамнотежа меѓу приватниот професионалниот живот, вели министерката за труд и социјална политика Јагода Шахпаска за Утрински брифинг.

Дополнително, законското решение кое е на второ читање во матичната собраниска Комисија за труд и социјална политика, за малиот процент работници кои ќе работат во недела гарантира дополнителни најмалку 50 проценти повисока дневници, а во делот на моловите во недела ќе се работи во една смена, работниците ќе добијат 100 отсто повисока дневница, а ќе имаат право на слободен ден во текот на работната недела. Во делот на контролата на работењето увид ќе вршат надлежните инспекторати, изјави за Утрински брифинг министерката за труд и социјална политика Шахпаска.

 

Видео на денот