Утринска групна тепачка во Карпош, осум мажи и жени нападнале скопјанец
Вкупно осуммина скопјани, меѓу нив и мажи и жени, се пријавени дека нападнале нивни сограѓанин пред трговски центар во скопски Карпош, соопшти полицијата.
На 16.11.2021 во 06.30 часот во СВР Скопје било пријавено дека пред трговски центар на подрачјето на Карпош бил нарушен јавниот ред и мир со физичка пресметка помеѓу Е.С.(30), А.С.(35), женските лица И.З.(55), М.Ќ.(41), С.М., Л.Д.(55) и две малолетнички, од една страна, и Б.Х.(41) од друга страна, сите од Скопје, велат од полицијата.
Сочинети се записници за констатиран прекршок од Законот за прекршоците против јавниот ред и мир, додаваат од МВР.