Утре покрај Земјата ќе помине астероид со необичен изглед и големина колку најголемата зграда на Земјата

Twitter

Астероидот кој утревечер ќе прелета покрај Земјата се претпоставува дека има пречник меѓу 1,8 и 4,1 км, што значи дека оваа вселенска карпа би можела да биде петпати поголема од „Бурј калифа“, најголемата зграда на Земјата.

Необичниот изглед на астероидот 1198 ОР2 ги натера научниците ширум светот да се шегуваат велејќи дека на Земјата и се приближува астероид со маска, кој како да знае дека се бориме со пандемијата на коронавирусот.

„Астероидот кој наскоро би требало да помине покрај Земјата како и самиот да стравува од зараза од опасниот вирус, па ставил маска“, се шегуваат научниците на социјалните мрежи.

 

„Топографските прикази кои личат на ридови, на едниот дел од астероидот се научно фасцинантни, но уште поинтересно е тоа што изгледа како астероидот да ставил маска“, вели Ен Вирки, директор на една опсерваторија.

За среќа, овој астероид, кој ќе биде најблиску до Земјата на 29 април, не претставува опасност за нашата планета.

Видео на денот