Вечарва со заоѓањето на сонцето за верниците од муслиманска вероисповед започнува светиот месецот Рамазан, а сите активности ќе бидат прилагодени на актуелната ситуација во согласност со мерките за спречување на ширењето на коронавирусот.

Рамазан е месец на задолжителен пост за сите полнолетни, здрави припадници на муслиманската религија.

Постот подразбира воздржување од храна и пијалаци, но и од лоши мисли и дела од изгревање на сонцето до неговото заоѓање.

Месецот Рамазан е деветти месец според муслиманскиот календар и тој некогаш има 29 а некогаш30 дена.

Годината според муслиманскиот календар е пократка за десет дена па затоа овој месец постојано се поместува секоја година.

Рамазанскиот пост е најголема верска обврска и еден вид „вежба на издржливост“, сила, волја и вера.

Постот служи за промовирање на солидарност со оние кои се жедни и гладни поради сиромаштија, а не по своја волја.

По истекот на месецот Рамазан, настапува тридневниот празник Рамазан Бајрам.