Заради технички зафати во дистрибутивната електро мрежа, утре, без електрична енергија ќе останат делови од повеќе скопски општини.

Како што соопшти РЦУК-Скопје по известување од „ЕВН Македонија” АД, без струја од 6:30 до 11 часот ќе бидат корисниците од с. Варвара и дел од с. Батинци во Општина Студеничани, од 7 до 13 часот корисниците од објектите кои се наоѓат во близина на ЈЗУ Универзитетска Клиника по хирушки болести, „Св. Наум Охридски” на ул. 11-ти Октомври во Општина Центар и од 9 до 12 часот, објектите во кругот на спортскиот аеродром, „Стенковец”. во Општина Чучер Сандево.

Утре без напојување со електрична енергија од 9 до 12 часот ќе бидат и корисниците од дел од село Горно Оризари во Општина Ѓорче Петров, во Општина Карпош, пак, без струја од 9 до 14:30 часот ќе бидат корисниците од дел од ул. Пресека и дел од ул. Сливовска, од 9:30 до 11 часот корисниците од дел од ул. Бранислав Нушиќ, од 9:30 до 14:30 часот корисниците од дел од ул. Букурешка и од 11 до 15 часот корисниците од дел од ул. Париска и ул. Хелсинска.